ရင်ခုန်သံမျက်ရည်စတွေနဲ့-၂
ကျွန်တော်ချစ်လှစွာသော ရင်ထဲက ကျွန်တော်၏ချစ်သူများနှင့် အမိမြန်မာပြည်ကြီးကို ကျွန်တော်လက်ပြ နှုတ်ဆက်ရင်း ရန်ကုန်မြို့၏ မြင်ကွင်းသည်လည်း မှောင်ရီဝိုးတ၀ါးညကမ္ဘာ၌ ဥမမယ်၊ စာမမြောက်သည့် လျှပ်စစ်မီးရောင်အောက်တွင် တဖြည်းဖြည်းမှိုင်းပြပြဖြစ်လာသည်။ သိပ်မကြာလိုက်ပါ။ ညနေက မာယာများသော တိမ်တိုက်တို့မှာ ကျွန်တော်တို့၏ ခြေရင်း၌ ဒူးထောက်ရချေပြီ။ အလွမ်းဓာတ်ခံရှိသူမို့ တိမ်တိုက်တေလေတို့နှင့်အတူ အတွေးလေပြေကြောဝယ် လွင့်မျောနေမိသည်။
``သူငယ်ချင်း ကော်ဖီသောက်မလား၊ လက်ဘက်ရည်သောက်မလားမေးနေတယ်``
ရုတ်တရက် ကျွန်တော်နှင့် ဘေးချင်းကပ်လျက်အတူလိုက်ပါလာသော ခရီးဖော်၏ သတိပေးသံကြောင့် အတွေးစတို့ အမျှင်ပြတ်သွားသည်။
``ကော်ဖီပဲ ညီမလေး``
မြန်မာဘာသာနှင့် တုံ့ပြန်လိုက်သောအဖြေကြောင့် ထိုင်းလေယာဉ်မယ်၏ ရွှန်းလဲ့နေသော မျက်ဝန်းလှလှလေးမှ အံအားသင့်မှုနှင့် အတူ ရောင်စဉ်များဖြာထွက်ကျလာသည်။ ရုတ်တရက် ရှက်ကိုးရှက်ကန်းနှင့် ဘေးဘီဝဲယာကိုလှည့်ကြည့်မိသည်။ ကော်ဖီဖျော်လက်ဆနှင့် ဘေးနားကခရီးဖော် တစ်ယောက် ကျွန်တော်၏ အဖြေကို ကြားလိုက်ပုံမပေါ်၍သာ စိတ်သက်သာရာ ရခဲ့ပါသည်။
``Coffee please``
တစ်ကိုယ်ရေ အရှက်နဲ့တူ မျက်နှာပိုးကို အသာသတ်ရင်း အင်္ဂလိပ်လို မပြောတတ်ပြောတတ်နှင့် ပြောထွက်သွားခဲ့ပါသည်။ ဖော်ရွေပျူငှာလှသည့် လေယာဉ်မယ် အလှပဂေးလေးကတော့ နှုတ်ခမ်းဖျားမှာ အပြုံးပန်းကလေးများ ဖူးပွင့်လျက် ၀င်းညက်သွယ်လျသောလက်ချောင်းလေးများဖြင့် ကော်ဖီကို အသာချကာ ကဗျာဆန်ဆန်ခြေလှမ်းတို့ဖြင့် လှမာန်ဝင့်လျက်..။ လှုပ်လီလှုပ်လဲ့နဲ့ အလှပိုင်ရှင်ကို နောက်မှ တိတ်တခိုးအကြည့်နဲ့ ငေးကြည့်ရင်း ရင်ထဲက တစ်ယောက်သောသူကို အလိုလို အပြေးအလွှားမြင်ယောင် မိပြန်သည်။
အတွေးတွေက ဂယောက်ဂယက်နဲ့မို့ ကော်ဖီဖျော်တော့လည်း အဆီအငေါ်မတည့်ခဲ့ပါ။ ဟိုဟိုဒီဒီ ပျံ့လွင့်နေသောအတွေးများကြောင့် ဆားနှင့်သကြား အမှားကြီးမှားခဲ့မိသည်။ ဘေးနားက ခရီးဖော် တစ်ယောက်သာသိသွားခဲ့ရင် ဟူသောအတွေးဖြင့် ကော်ဖီကို ဟန်မပျက်ကြိုးစားသောက်ကြည့်သည်။ ကံတရားက ကိုယ့်ဘက်ပါသည်ဟုဆိုရမည်လား။ လေယာဉ်အမှုထမ်းတို့ အမှိုက်ပြန်သိမ်းချိန်နှင့်ကြုံကြိုက် ခဲ့ရပြီမို့ သောက်လက်စ ကော်ဖီခွက်ကို အသာပြန်အပ်ရင်း သက်ပြင်းတစ်ချက်ချလိုက်မိသည်။
သိပ်မကြာလိုက်ပါ။ ထိုင်ခုံခါးပတ်များပြန်ပတ်ရန် ကြေငြာသည့် အသံလေးက အခုတော့ အနည်းငယ် ပိုချိုလာသယောင်ထင်ရသည်။ နာရီကို ဖျတ်ခနဲကြည့်လိုက်မိသည်။ ညကိုးနာရီးခွဲသာ ရှိပါသေးသည်။ ရန်ကုန်အပြည်ပြည်ဆိုင်ရာလေဆိပ်မှ အလွမ်းကိုယ်စီနှင့် ပြန်သွားရှာသောကျွန်တော်၏ ချစ်သူများမှာ အိမ်အပြန်လမ်းခုလတ်၌ မျက်ရည်စတို့ပင် အသောမသတ်နိုင်သေးပဲ ရှိနေဦးမည်ဟု တွေးမိပြန်သည်။
ထရန်စစ်လုပ်ရမည့် ကိုရီးယားအေးရှားနား အဲယားလိုင်းမှာ ည ၁၂း၀၅ မိနစ်မှ ထွက်မည်ဖြစ်၍ လမ်းတစ်လျှောက်တွင် ဟိုငေးဒီငေးနှင့် နှစ်ယောက်သား စကားတပြောပြောနှင့် ထွက်လာခဲ့ကြသည်။ သုဝဏ္ဏဘူမိလေဆိပ်၏ ခမ်းနားထည်ဝါမှုနှင့်အတူ အ၀တ်အစားအလန်းကလေးတွေနဲ့ နိုင်ငံတကာ ပန်းကလေးတွေကို ငေးရင်း အလွမ်းကလေးတွေဖြေရပြန်သည်။
နှစ်ဦးသားနိုင်ငံခြားအတွေ့အကြုံလေးတွေလည်း ရှိပြီးသားမို့ ထရန်စစ်ကိစ္စအတွက် အတွေးထဲ၌ အပူအပင်ကင်းလျက်ရှိသည်။
``ညီမလေး မိုးယုစံ၊ ဘယ်နိုင်ငံသွားမှာလဲ။ ညီမလေးက ဖန်သားပြင်ထက်မှာတွေ့ရတာ ထက်တောင် ပိုလန်းတယ်နော်။ ပိုပြီးချစ်ဖို့လည်းကောင်းတယ်``
အမျိုးသားသရုပ်ဆောင် နေတိုး၊ ထွန်းထွန်းနှင့် ကျော်ကျော်ဘိုတို့ကို ကျော်လျက် လန်ဒန်သို့ ခရီးဆက်မည့် မိုးယုစံနှင့် တက်သစ်စမော်ဒယ်လ် တစ်ယောက်ကို မိတ်ဆက်ရင်း အမြင်အာရုဏ်တို့ လန်းဆန်းစပြုလာသည်။ ထရန်စစ်သို့ သွားရမည့်လမ်းကြောင်းကို ကွန်ပျူတာဖန်သားပြင်ပေါ်၌ သဲသဲမဲမဲ လိုက်ရှာနေသော ခရီးဖော်အလစ်တွင် လှပျိုဖြူလေးများနှင့်မိတ်ဆက်ပြီး လိပ်စာကဒ်ကလေးများ အရယူနိုင်ခဲ့၍လည်း တစ်ယောက်ထဲကြိတ်ကာ ပျော်နေမိသည်။
``သူငယ်ချင်းရေ… ငါတော့ ထရန်စစ်သွားရမယ့်လမ်းကြောင်းကိုတွေ့ပြီကွ``
ခရီးဖော်မှ အားရ၀မ်းသာ ကြုံးဝါးလိုက်သည်။ ဒီလိုနှင့် နှစ်ယောက်သားယုံကြည်ချက်ကိုယ်စီနှင့် ထရန်စစ် အီး-၁၁ ရှိရာသို့ လမ်းညွှန်မျှားကလေးကို အဖော်ပြုရင်း ပေါ့ပါးသောခြေလှမ်းများနှင့် ခရီးဆက်ခဲ့ ကြသည်။ ပထမတစ်ခေါက်ကလို ဘယ်သူ့ကိုမှမေးစရာမလို။ ကိုယ်သာလျှင် ကိုယ့်ခရီးရဲ့လမ်းပြမို့ နှစ်ဦးသား ကျေနပ်မှုအပြုံးကိုယ်စီနဲ့။
``Could you please kindly direct us the way to Transit E-11?``
ကိုယ်ပြောသည့် အင်္ဂလိပ်စကား မှားသလား၊ မှန်သလားတော့မသိပါ။ ဖော်ရွေပျူငှာ၊ ချိုသာသော လေဆိပ်ရဲမေများထဲမှ မျက်စိကျလောက်သည့် ခပ်မိုက်မိုက်ရဲမေလေးများကိုရွေး၍ မကြာခဏ မေးဖြစ်သည့် မေးခွန်းလေးတစ်ခုဖြစ်သည်။ ကိုယ်သွားမယ့်လမ်း ကိုယ်သိပြီး ဖြစ်တာမို့ နားမလည်လဲ ပြဿနာမဟုတ်ပါ။ ဘာပဲဖြစ်ဖြစ် အဲဒီလိုမေးပြီးတိုင်း ကျွန်တော်တို့နှစ်ဦးသား တစ်ယောက်ကိုတစ်ယောက် တောက်ပတဲ့ မျက်လုံးအစုံတွေနဲ့ကြည့်ရင်း အောင်မြင်မှုအပြုံးတွေကိုယ်စီနဲ့ပေါ့။
ဒီလိုနဲ့ မယောင်မလည်နဲ့လမ်းပျောက်နေသည့် မြန်မာမိန်းကလေးများကိုတွေ့လျင်လည်း အခမဲ့ကူလီထမ်းရင်း ရက်ရက်ရောရော ကူညီလမ်းပြကာ မြန်မာတွေ သွေးစည်းကြောင်း လှစ်ပြခဲ့သေး သည်။ လမ်းဘေးဝဲ၊ယာမှ စကတ်လန်လန်၊ ဘောင်းဘီတိုတို ကလေးများနှင့် ပေါင်သားဖွေဖွေး အပျိုးရိုင်း ကလေးများကို ကြည့်ရင်း တစ်ယောက်ကိုတစ်ယောက် လက်တို့ကာ ပြုံးတုံ့၊မပြုံတုံ့နှင့် ဣနြေ္ဒဆည်လျက်။
နောက်ဆုံးတော့ အီး-၁၁ ဆိုသည့် ဆိုင်းဘုတ်ကို လှမ်းမြင်ရပါပြီ။ မမောသော်လည်း သက်ပျင်းတစ်ချက်ချလိုက်မိပါသေးသည်။ နာရီကိုတစ်ချက်ပြန်ကြည့်မိသည်။ လမ်းလျှောက်ချိန် (၁)နာရီမျှကြာသည်ဟုဆိုရမည်။
``အစ်ကိုရေ…ကျွန်တော်တို့ဒီထိုင်ခုံလေးမှာ ခဏထိုင်ပြီးနားရအောင်။ အခုမှ ဆယ်နာရီခွဲပြီးခါစပဲ ရှိပါသေးတယ်။ အေးဆေးပေါ့``
ဒီလိုနဲ့နှစ်ယောက်သား စိတ်ချလက်ချ ပစ်စလတ်ခတ်ထိုင်ချလိုက်သည်။ တောသားလို့ ထင်ချင်လည်းထင်။ မြန်မာပြည်မှာရှူးဖိနပ်တစ်ခါမှ မစီးဖူးတော့ ခြေထောက်တွေက ပူလောင်နေလှပြီ။ နောက်တစ်ခါပြန်တွေ့ရင် ကိုယ့်ကို မှတ်မိမှာမှမဟုတ်တာလို့တွေးရင်း ဖိနပ်နဲ့ခြေအိတ်ကို အသာချွတ်ကာ
အလာလမ်းမှ အတွေးချိုချိုကလေးများကို စမြုံ့ပြန်လျက် နှစ်ယောက်သားရယ်မောဟားတိုက်နေကြသည်။
ထိုသို့ပျော်ရွှင်ချိန်ကလေးများ သိပ်မကြာလိုက်ပါ။ အတွေးလှလှကလေးများ ကြက်ပျောက်၊ ငှက်ပျောက် ပျောက်သွားခဲ့ပါပြီ။ နှာသီးဖျား၌ ချွေးကလေးများပင်စို့လာချေပြီ။ ဘုတ်ဒင်းပတ်စ် ပါမလာ သည်ကို အခုမှ သတိထားမိကြသည်။ နာရီကိုကြည့်လိုက်တော့ လေယာဉ်ထွက်ချိန် တစ်နာရီနဲ့မိနစ် နှစ်ဆယ် သာကျန်တော့သည်။ အလာတစ်ကြောင်းနှင့်ပင် တစ်နာရီမျှ အချိန်ပေးခဲ့ရသည်မို့ လက်ကျန် အချိန်ကလေးကို အသွားအပြန်ဝေငှရမည်ကိုတွေးရင်း ရင်မောလာမိသည်။ အချိန်မလောက်တာ ကို အသာထား။ ခြေအိတ်ကို အမြန်လျှို၊ ဖိနပ်ကိုသွက်သွက်စီးပြီး သုတ်ခြေသင်ကာ အလာလမ်းသို့ အပြေးအလွှား ပြန်လှည့်ခဲ့ကြပါသည်။
လမ်းဘေးဝဲ၊ယာမှ လှပျိုဖြူလေးများလည်း အလာလမ်းတုန်းကလို မလှနိုင်တော့။ သောကအကြည့်တွေနဲ့ လောကကြီးကို ခါးစောင်းတင်ပြီး ပြေးလွှားနေရသည်။ ပိုဆိုးသည်က ဘုတ်ဒင်းပတ်စ် ယူရမည်နေရာကိုအတိအကျမသိ။ အလာတုန်းက ထရန်စစ်ရှာသလို ဘုတ်ဒင်းပတ်စ် ယူရမည့်ကောင်တာသို့ ညွှန်ပြမည့် လမ်းပြမျှားလည်းကင်းမဲ့လျက်ရှိပြီမို့ ခြေလှမ်းများ ကလည်း မသေချာ၊ မရေရာသည့် ဦးတည်ချက်များဆီသို့ ။
``ကျွန်တော်တို့မှာ နိုင်ငံခြားအတွေ့အကြုံရှိတာပဲဗျာ။ အေးဆေးပေါ့``
ခရီးဖော်ကိုအားပေးသလိုနှင့် ကိုယ်ကိုယ်ကို အားပေးရင်းအားတင်းလိုက်သည်။ ခုတော့ အားပေးမယ့်သူ ကင်းမဲ့နေပြီမို့လေ။ ခလုပ်ထိမှ အမိတတယ်ပဲပြောပြော။ အခုလို ဘ၀အမောတွေနဲ့ နွမ်းလျနေချိန်ရောက်တော့ အားပေးဖော်ချစ်သူကို အပြေးအလွှားသတိရမိလိုက်ပါသေးသည်။ အလာတုန်းကလည်း ရှိစုမဲ့စု နိုင်ငံခြားအတွေ့အကြုံကို မာန်တက်ပြီး အခုလိုပျာရယာခတ်ခဲ့ရပြီ။ ဒါကိုအမှတ်မရှိစွာနဲ့ နိုင်ငံခြားအတွေ့အကြုံကို ပနံယူပြီး ထပ်ပြောနေသေးသည်က ကျွန်တော်။
အခုတော့ အတွေ့အကြုံရင့်ကျက်သည့် လူလည်ကြီးများ အတော့်ကို လည်နေရှာပါပြီ။ မဟားတယားနဲ့ ရွာတွေလည်၊ မျက်စိတွေလည်ပြီး ချာချာတွေကိုလည်လို့ပါ။ အလာတုန်းကလို ခပ်မိုက်မိုက်ရဲမေလေးများကို ရွေးချယ်ဖို့အချိန်မရှိတော့။ တွေ့ရာလေဆိပ်ဝန်ထမ်းတွေကိုမေးရင်း အပေါ်ပြန်တက်ခိုင်းသူက တက်ခိုင်း၊ အောက်ပြန်ဆင်းခိုင်းသူကဆင်းခိုင်း၊ ရှေ့ဆက်သွားခိုင်းသူက သွားခိုင်း၊ နောက်ပြန်ဆုတ်ခိုင်းသူကဆုတ်ခိုင်း တကယ့်ကို ခိုကိုးရာမဲ့နေသည်က ကျွန်တော်တို့နှစ်ဦးသား။ အရေးအကြောင်းနဲ့ဆို အင်ဖော်မေးရှင်းစင်တာက ဘယ်ချောင်ကပ်နေလဲမသိ။ ကျွန်တော်တို့အတော်ကို ရင်မောလာပြီ။ တစ်ယောက်ကိုတစ်ယောက်ပင် အားမပေးနိုင်တော့။ တစ်ကိုယ်လုံးစိုရွှဲနေသည့် ဇောချွေးများက ကျွန်တော်တို့နှစ်ဦးသား၏ အပူသောကကို ပြောပြစရာမလိုအောင် သက်တေထူ လျက်ရှိသည်။ အလွမ်းများလည်း မလွမ်းနိုင်။ အလန်းများလည်း မငန်းနိုင်။ အဆွေးများလည်း မဆွေးနိုင်။ အပြေးအလွှားရှာနေရသည်က ဘုတ်ဒင်းပတ်စ်ထုတ်ပေးရာ အေးရှားနားအဲယားလိုင်းကောင်တာ။
ဟော.. နောက်ဆုံးတော့တွေ့ချေပြီ။ ကျွန်တော်တို့ အမောတကောရှာနေရတဲ့ အေးရှားနား အဲယားလိုင်းကောင်တာ။ နာရီဝက်ကျော်ကျော်မျှသာ အချိန်က ကျန်ရှိတော့သည်။ သက်ပြင်းတွေ အကြိမ်ကြိမ်ချရင်း အပြန်လမ်းအတွက် အားအင်တွေတင်းထားရသည်။ ပြဿနာက အချိန်နီးကပ်မှ ပျာယီးပျာယာနှင့် ရောက်လာသောကျွန်တော်တို့နှစ်ဦးကို ကောင်တာမှတာဝန်ရှိသူက သံသယမျက်လုံး များနှင့် စစ်ဆေးမေးမြန်းနေသည်။ စာရွက်စာတမ်းအထောက်အထားအခိုင်အလုံနဲ့မို့ လိပ်ပတ်လည်အောင် အမြန်ရှင်းပြလိုက်တော့ သူတို့ယုံလုယုံချင်ဖြစ်သွားသည်။ သို့သော် ဘုတ်ဒင်းပတ်စ် က ထုတ်မပေးသေး။ စာရွက်စာတမ်းများနှင့် ပတ်စ်ပို့ကို မိတ္တူကူးယူဖို့လုပ်နေတော့ အချိန်တွေထပ်ပုပ်သွား ရပြန်သည်။ ဒီတစ်ချိန်တော့ အိမ်အထွက်ကတည်းက ဦးထိပ်မှာပန်ဆင်ခဲ့တဲ့ ဘုရားသခင်ကို အာရုံပြုရင်း တောင်းဆုခြွေနေခဲ့မိသည်။
ဘုတ်ဒင်းပတ်စ်တော့ ရခဲ့ချေပြီ။ နာရီဝက်မျှသော အချိန်အတွင်း ထရန်စစ်ကို အရောက်လှမ်းရမည်မို့ မာရသွန်ပြေးလမ်းပေါ်က ကျွန်တော်တို့နှစ်ယောက်။ တစ်ယောက်ကို တစ်ယောက်ပင် မကြည့်နိုင်ကြတော့ပဲ ထရန်စစ်ရှိရာဆီသို့ခြေဦးလှည့်ကာ အပြေးအလွှားသုတ်ခြေတင် နေရတော့သည်။
လုံခြုံရေးဂိတ်ကို ဖြတ်ရတော့မည်။ ဘယ်သူမှ မပြောမီ ခါးပတ်တွေ အမြန်ချွတ်၊ နာရီတွေအမြန်ဖြုတ်၊ လက်ဆွဲအိတ်ကို စစ်ဆေးရေးစက်ရှိရာသို့အတင်းပစ်တင်လိုက်သည်။
``Oh, very good!``
လုံခြုံရေးတာဝန်ရှိသူများ၏ ချီးမွမ်းသံသည် ကျွန်တော်တို့၏ ရင်ကို အေးမြနိုင်စွမ်းမရှိတော့ပါ။
``တီတီ..တီတီ..တီတီ``
ဟိုက်! အရေးထဲမှာအရာပေါ်နေပြန်ပြီ။ ကျွန်တော်၏ လက်စွဲအိတ် လုံခြုံရေးစက်ကို ဖြတ်၍မရ။ စက်မှ သတိပေးသံများထွက်ပေါ်လာသည်။ ပိုဆိုးသည်က လုံခြုံရေးတာဝန်ရှိသူများစစ်ဆေးကြည့်ရာ သံသယဖြစ်စရာရှာမတွေ့၍ အချိန်ပိုကြာနေရပြန်သည်။ အတွေ့အကြုံရှိသည့် အကြီးအကဲတစ်ယောက် ရောက်လာတော့ (၁၀၀)ဂရမ်ထက်ကျော်နေတဲ့ သွားတိုက်ဆေးဗူးကြောင့်ဟုဆိုကာ သွားတိုက်ဆေးဗူးကို သိမ်းယူထားလိုက်ပါသည်။ ကျွန်တော် မျက်နှာ အတော်ပျက်သွားသည်။ ချစ်သူထည့်ပေးလိုက်သည့် တစ်ဗူးတည်းသော သွားတိုက်ဆေးကို အသိမ်းခံလိုက်ရသည်မို့လေ။ အချိန်အေးအေးဆေးဆေးရမည်ဆိုပါ က (၂၀၀)ဂရမ်းသွားတိုက်ဆေးဗူးမို့ (၁၀၀) ဂရမ်ဖောက်ထုတ်လိုက်လျှင် ပြန်ယူလို့ရမလားဟု မေးလိုက် ချင်မိသည်။ သို့သော် ကျွန်တော့် အတွက်သွားတိုက်ဆေးထက် ပိုအရေးကြီးသည်က အချိန်.. ဘ၀ တစ်ခုလုံးကို အဆုံအဖြတ်ပေးမယ့် အချိန်။
``ပထမတစ်ခေါက်ဖြတ်တုန်းကတော့ငြိမ်နေပြီး အခုတစ်ခေါက်မှ ထအော်ရအောင် မင်း… အိပ်ချင်မူးတူးများ ဖြစ်နေသလားကွ..``
အသက်မဲ့တဲ့စက်ကို နှုတ်လှန်ထိုးကာ ပြေးရင်းလွှားရင်း ရေရွတ်နေမိသည်။ အဲဒီနောက် နပိုလီယံဘိုနာပတ်လို သစ္စာဆိုဖို့ကလည်း နေလုံးကြီးမရှိတော့ပြီမို့ ကိုယ့်ခြေထောက်ကို အရှိန်ထပ်မြှင့်လိုက်ကြသည်။ ခုတော့လည်း တကယ့်ကို မမောနိုင်၊ မပန်းနိုင်ပါပဲ။ ချွေးတလုံလုံးနှင့် ထရန်စစ်ရှိရာကို အချိန်မီ ပန်းဝင်ဖို့ အပြေးအလွှား ခရီးနှင်နေကြရသည်။ မိမိခရီးမည်မျှရောက်နေသည်ကို ပင် စဉ်းစားဖို့အချိန်မရ။ ထရန်စစ် အီး- ၁၁ လမ်းညွှန်မျှားလေးခေါ်ရာကို ကောက်ကောက်ပါအောင်ပြေး လိုက်နေရသည်။ စကားတွေဖောင်ဖွဲ့ရလောက်အောင် ပြောတတ်တဲ့ကျွန်တော်တို့နှစ်ယောက် အခုတော့လည်း တစ်ဦးကိုတစ်ဦး အလ္လာပ၊ သလ္လာပစကားများလည်းမပြောနိုင်။ သူရှေ့ကရောက်လည်း ကိုယ့်ကို နောက်ပြန်မကြည့်နိုင်၊ ကိုယ်ရှေ့ကရောက်လည်း သူ့ကို နောက်ပြန်မကြည့်နိုင်။ မာရသွန်ပြေးလမ်းပေါ်က တကယ့်ပြိုင်ဘက် အပြေးသမားနှစ်ယောက်လို။
`` သူငယ်ချင်း..``
ကျွန်တော်၏ ခရီးဖော်တစ်ယောက် ရုတ်တရက် ခြေလှမ်းတွေတုံ့ဆိုင်းသွားပြီး ရင်ဘတ်ကိုမ၍ အသက်ဝအောင်ပြန်ရှူကာ နောက်ထပ်ပြောမည့်စကားများထွက်မလာနိုင်သေး။ ကျွန်တော်အတော်လေး စိတ်ပူသွားသည်။
``သူငယ်ချင်း ဘာဖြစ်လို့လဲ``
